يا حيفّ عليك يا رفيقي وصاحبي وجاري
يا حيفّ على اللي باع بلده عشان المصاري
ونسي اللقمة الطاهرة اللي أكلها بالحواري
ثورة باسم الحرية و الاصلاح
والصوت لا تلومني صوت نباح
لا شفتّ منك وفا ولا ردّ جميل ولا خير
ويوم خنتّ بلدك صار إلك ريش متل الطير
رفّرفّ وعلّلي وطير لفوق يا كبير
عمرك ما رحّ تكون إلا خادم وأجير
ورحّ تضلّ بعيون الناس مجرد جربّان
قال المتلّ لا تخون مين أمنكّ ولو كنتّ خواّان
يا حيفّ عليك يا رفيقي وصاحبي وجاري
يا اللي مشتهّي ترجعنا لأيام العبيد والجواري
ياللي رمى شرفهُ ورا ضهرهُ عشان شوية فجّارِ
وآخر شي دورتّ عليك لاقيتكّ متخبّي بالمجاري ..؟؟
يا حيفّ عليك يا ابنّ بلدي ياللي اكلنا بنفسّ الصحنّ
كيف هانتّ عليك بلدك وبعت قمحكّ قبلّ الطحنّ
لا تقولّي ..جوعان .. تعبان .. مظلوم .. موجوع
كلهُ صدقني مو حجّةّ انك تصير بيوم جربوع
قرفان وكرهان وحاسس حالك واحد معتّر
بس مو سبب لحتى تشوف بلدك عم تتدمّر
ياللي كان راسكّ بالسما يناطحّ الغيوم
ذلّيت حالك وهنت نفسك عشان المعلوم
يالليّ كنت شريف وما في حدا بالدنيا أدّك
كيف بعتّ شرفك وعرضّك وخنتّ بلدك
لا تحاكيني بالحرية والاصلاح والبلد لازم تتغيّر
لا تحاكيني وانت حامل على رقبتي سكين وخنجرّ
لا تقوليّ حكومة طائفية وبلدّ محسوبيّة ونظام الرشاوي
الفقير كان يشبعّ بسندويشة فلافل على ذمة الراوي
مالي زعلان منكّ بسّ ألبي موجوع على ولادك
يحملوا ذلّ عارك لما خنتّ تراب بلادك
يا حيفّ على اللي باع وطنه عشان شويّة شعارات
يا حيفّ على اللي ضحكّوا عليه بشوية دولارات
يا حيفّ وألفّ ألفّ حيفّ
على اللي عاش بهايّ البلد وباسم خاينّ مات .. ؟؟
\
/
على حافة الوطن
ألفّ مشنقة ومشنقة
ولا يقولوا بو عمّر خاينّ يا خديجة ..؟؟
بلال فوراني
ليست هناك تعليقات:
إرسال تعليق
شاركني برأيك .. ودعني اسمع صوتك